星期四, 1月 20, 2005

採訪手記

收到一張ive女排既相。

咦,呢個topic好似有得寫下喎,起碼呢單野都已經發生左一段時間。由十一月開始既初賽、聖誕特訓到而家最後兩場初賽,前後都有三個月,到三月完左決賽,成半年,有內容既topic,幾時都唔怕冇野寫。

跟呢個先。

星期三, 1月 12, 2005

採訪手記

寫稿寫到病,唯有賦閒在家。

結果想不到,在家就完成了兩篇稿。老實講,寫野既人想要有好貨交,一定要在輕鬆的環境。創作這事情,有時十分難以衡功量值。唯有檢討自己手法精益求精,好難有數得計。

但偏偏會有人妄想用數學來描述整個世界。真係低九能。

星期六, 1月 08, 2005

採訪手記

今日沙田IVE攪左一壇傑出教學獎論壇

其實三位得獎者我都見慣見熟了,佢地想說的內容也是大同小異了,倒是來拍幾張照而已

哈哈,又有一餐食,真係開心﹗同Dazzle Orchestra也熟了,看看將來會否做到一個專題啦。不過新老細就上任,一切都不在我的控制範圍內。

星期四, 1月 06, 2005

採訪手記

非常倉促情況之下,約左青年學院既訪問。呢單野非常感謝Anna同Mabel,咁快搵到兩個仔俾我:阿德和vivian。

呢次可謂我第一次訪問這一類青年的機會,以往訪問的對象皆是成年或者較為主流的人物,訪問他們的時候感覺是完全不同,總是怕問得太尖銳而令訪問進行得不順利。

小弟的經驗是,訪問開頭的一小時基本上問唔到乜野,但這小時裡能夠取得受訪者的信任,則以後就非常之好辦事。set up現場時就有點問題,兩個受訪者一同在場,而我先揀了一個較為多話的阿德問,或者我不想氣氛太冷,問vivian先可能會有冷場,有男仔在場她也會緊張,而且vivian在未warm up的情況下,恐怕也不會太多野講……(結果佢warm up既時間俾我想像中更長……)

阿德哥哥後來愈來愈好傾,特別係當攝記馬夫又加入戰團時,三條佬就互噴口水啦。阿德既訪問就好順利完成左,我亦非常有信心寫得活,但這一刻到vivian出場,場面就靜了下來……

她就像一個充滿水的汽球,提起已經要很小心,一戳就可能會爆,唔拿起又唔得……真係慘囉。後來靈機一動,不如叫佢地進入自己既環境行一行,希望多d野講啦,呢一招幾時都有效,馬夫就為後來既專題拍下非常重要的theme photo……

訪問完,成身都散哂……

星期二, 1月 04, 2005

採訪手記

今日約左兩個採訪,早上訪問人力資源科主管,嘩,係咁多次訪問之中最難頂既一次。人力資源呢個topic已經十分之難寫,條友up埋d野重要咁多技術性既野,言談之間我真係十分擔心,點樣可以將咁悶既野寫到好有趣?

結果後來寫完篇文,真係俾佢「阻撓」。我決定以後再遇同類的題目建議,一定要say no﹗

下晝七點去黃克競ive訪問兩個神州青雲路既實習學生,呢兩位老兄係摩打廠打工,其實好多事件都唔太值得報導,寫一版都嫌多……但係我都係得個知字先。做呢本《no.27》真係要積少成多,先有得吹水。不過我預感呢個月都係lie野,果然後來做得好辛苦。下文自有分解。